Iturrieta Sagardotegiak ateak zabalduko ditu

Azken hilabeteak itxita egon ondoren, ekainaren 8ko astean, gure jantokia eta terraza berriz irekiko ditugu bertara gerturatu eta Iturrieta eta bere inguruekin gozatu nahi duen edonorentzat.

Garai honetan ezartzen diguten mugak eta arauak errespetatuz irekiko dugu, egoera zail honetara egokitzeko beharrezko protokolo-ikastaroa egin ondoren.

Gure lagun eta bezeroei arauak errespetatzen laguntzea eskatzen diegu, guztion artean egonaldi atsegina izan dezagun.

Jantokirako erreserbak egitea gomendatzen da (iturrieta.eus edo 685721593), eta terrazaren kasuan Iturrietak ezarritako oharrak errespetatzea.

Eskerrik asko!

Web berria

Kostatu egin zaigu, inoiz ez bait  gara izan teknologiaz oso jakitun, baina azkenean web berria daukagu, eta erabilgarria izango zaizuelakoan gaude.

Elkar gehiago ezagutzea nahi dugu, alde batetik, eta zuekin egoteko moduak zabaldu nahi ditugu, orain Iturrieta Sagardotegian erreserba dezakezu zure ordenagailutik edo mugikorretik, gure online denda txikian eros dezakezu, bisita gidatua eska dezakezu, informazioa eskatu, etab. Gozatu webguneaz, hitz ematen dugu testu gutxi eta argazki asko dituela, eta zerbait gustuko ez baduzu edo hobetzeko ideia bat baduzu, edo iradokizunen bat egin nahi baduzu, esan lasai.

 Jarduerak prestatzen

Hala da, gauza asko prestatzen ari gara Iturrietan egiteko. Kontzertuak egingo ditugu, bertsolariak ekarriko ditugu, hitzaldiren bat antolatuko dugu, zinema udan... eta gauza gehiago pentsatzen jarraitzen dugu. Iturrieta, sagardotegia baino zerbait gehiago izatea nahi baitugu. "Ideia bat" egiten joateko, Iturrieta Sagardotegiko bazkari eta afari askotan bertako trikitilariak izango dira. Noizean behin, web gune hau bisita ezazu, guztiaren berri emango bait dugu eta gauza interesgarri gehiago erantsiko ditugulako. Udaberrirako, ibilaldiak prestatzen ari gara Aramaio ibarrean barrena, sagardotegian bazkari eta guzti...